Sumqayıtda beş mərtəbəli yaşayış binasından su sayğacları oğurlanıb. Hadisə şəhərin 8-ci mk-da qeydə alınıb. Eyni gündə 20-dən çox sayğacın oğurlanması sakinləri təşvişə salıb. Binada yaşayanlar gecə saatlarında suyun kəsildiyini görüblər. Səhəri su sayğaclarının qırılaraq aparıldığının şahidi olublar. Hadisədən Sumqayıt Su Kanal İdarəsi xəbərdardır. Bildirilib ki, sakinlərin suyu elə həmin gün bərpa edilib və hadisə barədə şəhər polis idarəsinə məlumat verilib. Oğruların tapılması istiqamətində axtarış tədbirləri həyata keçirilir.
RAMİL ZEYNALLI
Xəbərdən istifadə edərkən istinad etmək vacibdir.
