Sumqayıt şəhər 1 nömrəli Doğum Evi ötən gün baş verən ana və körpə ölümü ilə bağlı açıqlama verib.
Xeberle com ARB 24-ə istinadla xəbər verir ki, baş həkim Təranə Rəcəbli deyib ki, 38 yaşlı Sumqayıt sakini Gülnarə Əkbərovanın üçüncü hamiləliyi olub. Onun yaşı da hamiləlik üçün ciddi təhlükə yaradıb.
Təranə Rəcəbli (baş həkim): "3,5 kq çəkidə oğlan uşağı azad olmuşdur. Bir balla tək-tək ürək döyüntüləri ilə. 5 dəqiqədən sonra uşaq tələf olmuşdur.
Anaya gəldikdə isə doğuşdan sonra qanaxma başlayıb. Gülnarə Əkbərovaya qan köçürülsə də, həyatını xilas etmək mümkün olmayıb.
Təranə Rəcəbli (baş həkim): "Qadında hipotenik qanaxma başlayıb doğuşdan sonra və aparılan yardımlara baxmayaraq ürək-damar çatışmazlığı inkişaf etdi. Nəticədə qadın vəfat etdi.
Mərhumun yaxınları isə baş verənlərə görə həkimləri ittiham edirlər. Hadisənin dəqiq səbəbləri Səhiyyə Nazirliyi Məhkəmə Tibbi Ekspertiza və Patoloji Anatomiya Birliyi Mərkəzinin yekun rəyindən sonra məlum olacaq. Mərkəzdən bildirilib ki, meyit artıq müayinə edilib və nəticələr 10 gündən sonra açıqlanacaq.
Xəbərdən istifadə edərkən istinad etmək vacibdir.
