Hadisə Qaxda baş verib.
Qaxda keçirilən müəllimlərin diaqnostik qiymətləndirməsində iştirak edən müəllim dünyasını dəyişib.
İstiPress-in yerli bürosunun məlumatına görə, hadisə Qax Olimpiya İdman Kompleksində Təhsil Nazirliyi tərəfindən keçirilən, ümumtəhsil məktəblərində işləyən müəllimlərin bilik və bacarıqlarının diaqnostik qiymətləndirilməsi zamanı baş verib.
İmtahana gələn müəllim Qax rayonu Turaclı kəndindən olan 1966-cı il təvəllüdlü Gülxar Nadir qızı Babayevanın halı qəfil pisləşib. Onu dərhal Təcili Tibbi yardım maşını ilə Qax rayon mərkəzi xəstəxanasına çatdırıblar. Xəstəxananın reanimasiya şöbəsinə yerləşdirilən 51 yaşlı Gülxar Babayeva bir saatdan sonra dünyasını dəyişib.
Faktla baglı araşdırma aparılır.
Xəbərdən istifadə edərkən istinad etmək vacibdir.
