Azərbaycanda daha bir ana ölümü baş verib. Bu
dəfə isə Sumqayıtda. Belə ki, doğuş ana
ölümü ilə nəticələnib.
Xeberle.com-un məlumatına görə, hadisə 2 saylı Doğum evində qeydə alınıb. Belə ki, doğum evinin həkimi Nazilə Abdullayevanın
apardığı qeysəriyyə əməliyyatı zamanı uşaq sağ qalsa da ananın vəziyyəti pisləşərək həyatını itirib.
Belə ki, 1988-ci il təvəllüdlü Əliyeva Gülsüm Ramil qızı körpəni
dünyaya gətirdikdən sonra dünyasını dəyişib. 29 yaşlı Gülsümün ölməsinə doğuşdan sonra daxili qanaxmanın səbəb olduğu deyilir. Qan köçürülmə olsa da, onun həyatını xilas etmək mümkün olmayıb.
Mərhumun yaxınları onun
ölümünü həkim səhlənkarlığı ilə əlaqələndirirlər.
Onun meyiti Məhkəmə Tibbi Ekspertiza və Paraloji Anatomiya Birliyinə təhvil verilib.
Xatırladaq ki, bu son 3 ayda Sumqayıtda doğuş zamanı baş verən ikinci ana ölümüdür.
Xeberle.com
Xəbərdən istifadə edərkən istinad etmək vacibdir.
