Xəbər verdiyimiz kimi, dünən Sumqayıt şəhər nömrəli Doğum Evində ölüm hadisəsi baş verib. İlkin məlumata görə, doğum evinin həkimi Nazilə Abdullayevanın apardığı doğuş zamanı uşaq sağ qalsa da, ananın vəziyyəti pisləşib və Əliyeva Gülsüm Ramil qızı həyatını itirib. 1988-ci il təvəllüdlü Gülsüm Əliyeva haqqında xeberle.com məlumat əldə edib. Belə ki, Gülsüm Əliyeva Qubadlı rayonu Mahruzlu kənd məktəbində kimya müəllimi işləyirmiş. Üç övladı var. Atası keçmiş polis işçisi olub, Qubadlının Dəmirçilər kəndindəndirlər. Mərhumun yaxınlarının dediyinə görə, doğuş qeysəriyyə ilə deyil, təbii yolla olub. "Gülsümü doğraq doğraq ediblər. Bəzi orqanlarını zədələyiblər. Bundan sonra beynində problem yaranıb və qanaxmaya görə komaya düşüb. Hətta dünən Bakıdan beynindəki problemlərə görə, iş yoldaşları həkim gətizdirmişdilər. Çox heyf həkimlərin məsuliyyətsizliyi ucbatından belə bir insanı itirdik”.
Xəbərdən istifadə edərkən istinad etmək vacibdir.
