Sumqayıt şəhəri 2 nömrəli Doğum Evinə hücum edilib.
Xeberle.com ARB24-ə istinadən xəbər verir ki, Doğum Evində 29 yaşlı Gülsüm Əliyeva üçüncü dəfə doğuş edib. Üç kiloqram iki yüz qram çəkisində qız uşağı dünyaya gəlib. Bundan sonra xəstədə qanaxma başlayıb. Nəticədə qadın dünyasını dəyişib.
Bundan xəbər tutan Gülsüm Əliyevanın yaxınları xəstəxananın Ginekologiya şöbəsinin şüşələrini sındırıblar. Hazırda şikayət əsasında qadının meyiti Səhiyyə Nazirliyi Məhkəmə Tibbi Ekspertizia və Patoloji Anatomiya Birliyinin Mərkəzi şöbəsinə təhvil verilib.
Faktla bağlı Sumqayıt şəhər Prokurorluğunda ehtiyatsızlıqdan adam öldürmə maddəsi ilə cinayət işi açılıb, araşdırma aparılır.
Qeyd edək ki, bu, son 3 ayda Sumqayıtda doğuş zamanı baş verən ikinci ana ölümüdür.
Xəbərdən istifadə edərkən istinad etmək vacibdir.
