Xeberle.com-un Fövqəladə Hallar Nazirliyinin rəsmi saytına istinadən verdiyi məlumata görə Sumqayıt şəhərində vətəndaşa məxsus ümumi sahəsi 40 m2 olan ərzaq mağazasının dam örtüyünün taxta atmaları 2 m2 sahədə, 1 ədəd elektrik sayğacı və giriş kabeli 3 p.m. yanmışdır. Mağazanın qalan hissəsi və bitişik obyektlər yanğından mühafizə olunmuşdur. Yanğın saat 01:12-də yanğınsöndürənlər tərəfindən söndürülmüşdür.
Bakı şəhəri, Binəqədi rayonunda ümumi sahəsi 70 m2 olan birmərtəbəli 2 otaqlı evin bir otağının yanar konstruksiyalar 25 m2 sahədə yanmışdır. Evin qalan hissəsi yanğından mühafizə olunmuşdur. Yanğın saat 00:15-də yanğınsöndürənlər tərəfindən söndürülmüşdür;
Fövqəladə Hallar Nazirliyinin Böhran Vəziyyətlərində İdarəetmə Mərkəzinə Mingəçevir şəhərində su anbarının ərazisində 1 nəfərin çimərkən batması barədə məlumat daxil olmuşdur. Dərhal Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri hadisə yerinə cəlb olunaraq 1981-ci il təvəllüdlü Bəhmənov Səxavət Şakir oğlunun cəsədini sudan çıxararaq aidiyyəti üzrə təhvil vermişlər. Əməliyyat saat 08:00-da başa çatmışdır.
Xəbərdən istifadə edərkən istinad etmək vacibdir.
