Tovuz rayon sakini əmisi arvadını döyərək xəstəxanalıq edib.
 Xeberle.com xəbər verir ki, Report-un Qərb bürosunun məlumatına görə, hadisə rayonun Alakol kəndində baş verib.
Belə ki, həmin kəndin sakini, 1971-ci il təvəllüdlü Sevda Şəmşəd qızı Rüstəmova ailə münaqişəsi zəminində qaynının oğlu tərəfindən döyülərək ağır bədən xəsarətləri alıb. O, yaxınları tərəfindən xəstəxanaya çatdırılıb.
Xəstəxanadan bildirilib ki, qadının hər iki ayağı və sağ əli sınıb: "Yaralı ağır və huşunu itirmiş vəziyyətdə xəstəxanaya gətirilib. Qadın baş, üz və qarın nahiyələrindən ağır xəsarətlər alıb. Həkimlər tərəfindən tibbi yardım göstərildikdən sonra travmatologiya şöbəsinə yerləşdirilib və vəziyyəti ağırdır".
 Faktla bağlı araşdırma aparılır.

Xəbərdən istifadə edərkən istinad etmək vacibdir.