Facebook 2018-ci ildə şəxsi məlumatların lokallaşdırılması üzrə Rusiya qanunlarına riayət etməlidir, əks təqdirdə resurs Rusiya ərazisində fəaliyyətini dayandırmalı olacaq.
Bu barədə Rabitə, İnformasiya Texnologiyaları və Kütləvi Kommunikasiyalar Sahəsində Nəzarət üzrə Federal Xidmətin (Roskomnadzor) rəhbəri Aleksandr Jarov bildirib.
"Qanun hamı üçün mütləqdir. İstənilən halda, ya qanunun icra olunmasına nail olacağıq, ya da LinkedIn ilə olduğu kimi şirkət Rusiya ərazisində fəaliyyətini dayandırmalı olacaq. Bu məsələdə istisna ola bilməz", - A.Jarov qeyd edib.
Onun sözlərinə görə, Facebook Rusiyada unikal servis deyil, çünki başqa sosial şəbəkələr də var.(report)
Xəbərdən istifadə edərkən istinad etmək vacibdir.
