Ukraynanın Zaporojye şəhərindəki hosteldə baş verən yanğın zamanı 4 azərbaycanlı həlak olub.
Xeberle.com "Report"a istinadən xəbər verir ki, Anqolenko bazarı ərazisindəki hosteldə yanğın dünən gecə baş verib.
Kərpicdən olan köhnə binanın ikinci mərtəbəsi yanıb. Yanğın təxminən iki saata söndürülüb. Dörd nəfər hadisə yerində, beşinci çəxs - hostelin mühafizəçisi xəstəxanaya aparılarkən ölüb. Dörd nəfəri, o cümlədən bir uşağı xilas etmək mümkün olub.
Ölən azərbaycanlılardan 3-ü Zaporojyeyə kommersiya fəaliyyəti ilə məşğul olmaq məqsədi ilə Çerniqov vilayətindən gəlibmiş. Bakıdan olan dördüncü şəxs isə yaxın zamanlarda Azərbaycana qayıtmalı idi.

Xəbərdən istifadə edərkən istinad etmək vacibdir.