Xəbər verdiyimiz kimi, dünən gecə Gürcüstanın Rustavi şəhərinin yaxınlığında Azərbaycandan Türkiyəyə gedən sərnişin avtobusu yanıb.
Virtualaz.org Gürcüstan İctimai Televiziyasına istinadən xəbər verir ki, avtobusun sərnişinləri, əsas etibarilə, Rusiya vətəndaşları olub. Xoşbəxtlikdən. 50 sərnişindən heç biri hadisə nəticəsində xəsarət almayıb, onlar vaxtında yanan avtobusu tərk edə biliblər.
Nəqliyyat vasitəsi isə, aşağıdakı videokadrlardan da göründüyü kimi, büsbütün yanıb. Yanğınsöndürənlər hadisə yerinə gələn zaman artıq çox gec idi – nəqliyyat vasitəsini xilas etmək mümkün olmayıb.
Gürcüstan Daxili İşlər Nazirliyindən bildiriblər ki, yanğının səbəbini müəyyənləşdirmək mümkün olmayıb.
Xəbərdən istifadə edərkən istinad etmək vacibdir.
