"Eset” şirkəti "WhatsApp” messencerində yeni internet fırıldaqçılığı növünü aşkar edib.
İKT.lent.az-ın "gazeta.ru” saytına istinadən məlumatına görə, bu fırıldaqçılıq istifadəçiyə yeni videozənglər funksiyasını aktivləşdirmək təklifi gəlməklə baş tutur. "WhatsApp” istifadəçilərinə əlavədə videozəngləri aktivləşdirməklə bağlı məlumat gələ bilər. "Videozəngləri indi aktivləşdirmək” düyməsini sıxdıqda, istifadəçinin fəallığını yoxlamaq adı altında saytı on nəfərə və ya 5 "WhatsApp” qrupuna məsləhət görmək təklif olunur.
Qeyd etmək lazımdır ki, videozənglər funksiyası hələlik messencerdə dəstəklənmir.
Videozəng həyata keçirməyə cəhd göstərmək istəyən istifadəçi qeydiyyat məlumatlarının köhnəldiyi ilə bağlı məlumat alacaq. Sonradan "İndi yenilə” düyməsini sıxdıqda isə istifadəçi avtomatik olaraq bahalı SMS-xidmətlərinə abunə olur. Bunun sayəsində də bu kateqoriyadakı hər daxil olan məlumata görə hesabdan pul çıxılacaq.
Qeyd edək ki, bir qədər "WhatsApp” məlumatların şifrələnməsinə başlayıb.
Xəbərdən istifadə edərkən istinad etmək vacibdir.
