Nazir təcridxananı tərk edərkən jurnalistlərə heç bir açıqlama verməyib.
Azərbaycanlı iş adamı Mübariz Mənsimov 17 dekabr əməliyyatından sonra həbs olunan Türkiyənin sabiq daxili işlər naziri Muammer Gülerin oğlu Barış Güleri ziyarət edəcək.
“Zaman” qəzeti ölkənin bir sıra tanınmış şəxslərinin hazırda həbsdə olan nazir övladları ilə görüşdüyü və ya görüş üçün icazə aldığını yazıb.
Məlumata görə, əvvəl Türkiyənin sabiq daxili işlər naziri Mehmet Ağar keçmiş iqtisadiyyat naziri Zafer Çağlayanın oğlu Salih Kağan Çağlayanla görüşmək üçün Bakırköy Ədliyyəsinin baş prokuroru Hadi Salihoğlundan icazə alıb.
Yanvarın 8-i yerli vaxtla saat 14:00 radələrində S.K.Çağlayanla görüşən M.Ağar təcridxananı tərk edərkən jurnalistlərə heç bir açıqlama verməyib.
Qəzetin digər məlumatına görə isə Türkiyədə yaşayan Azərbaycan əsilli nüfuzlu iş adamı Mübariz Mənsimov da son hadisələrin dalğasında istefa verən daxili işlər naziri Muammer Gülerin oğlu Barış Gülerlə görüşmək üçün Bakırköy Ədliyyəsindən xüsusi icazə alıb.
/gun.az/
Xəbərdən istifadə edərkən istinad etmək vacibdir.
