Sumqayıt şəhər Polis İdarəsinin  cinayət axtarış şöbəsinin əməkdaşları şəhərdə bir neçə fakt üzrə uğurlu əməliyyat həyata keçirib. Şəhərin “Qurd dərəsi”  deyilən ərazisində bir yasayış evindən oğurluq etməkdə şübhəli bilinən 36 yaşlı Vüqar Bağırov saxlanılıb.

Araşdırma zamanı məlum olub ki, saxlanılan şəxs həmin evə kilidli qapını sındırmaqla daxil olub. O,  vətəndaş Rəşad Əsədova məxsus ev əşyaları olan, samovarları ,su çələngini və digər məişət avadanlıqlarını oğurlayıb.

 Polis  sərnişin daşıyan marşurutda bir qadına qarşı cibgirlik edən şəhər sakini Nizami Əliyevi də yaxalayıb. N. Əliyev  bir qadının çantasından içərisində cəmi 30 manat olan pulqabını oğurlayarkən elə iş başında tutulub. Saxlanılan şəxs tutduğu əməldən peşiman olduğunu bildirib.

  Polis İdarəsinin 3-cü polis bölməsinin əməkdaşları isə  45-ci məhəllədə narkotik maddələrin alışı və satışı ilə məşğul olan 3 dəfə məhkumluq həyatı yaşamış 38 yaşlı Qalib Dadaşovu saxlayıb.

Onun üzərindən ümumi çəkisi 485 qram olan marixiuana aşkar edilərək maddi sübut kimi götürülüb.

 Hər 3 faktla bağlı cinayət işi açılıb araşdırmalar aparılır.