FHN Bakıda havalandırma sisteminin borusunda köməksiz vəziyyətdə qalan şəxslə bağlı məlumat yayıb.
Nazirlikdən verilən məlumata görə, Böhran Vəziyyətlərində İdarəetmə Mərkəzinə daxil olmuş məlumata əsasən, Bakı şəhəri, Nizami rayonunda 1988-ci il təvəllüdlü Mehrəliyev Asif Çingiz oğlu "Alov" restoranının havalandırma sisteminin borusunda köməksiz vəziyyətdə qalıb.
Hadisə yerinə cəlb olunmuş Xüsusi Riskli Xilasetmə Xidmətinin müvafiq xilasetmə qüvvələri təhlükəsizlik qaydalarına riayət etməklə vətəndaşı borudan çıxararaq adiyyəti üzrə təhvil veriblər.
Əməliyyat başa çatıb.
Qeyd edək ki, Bakıpost.az-ın xəbərinə görə, A.Mehrəliyevi havalandırma qurğusunun içərisinə atıblar. Zərərçəkən bildirib ki, onu öldürmək məqsədi ilə gecədən ora atıblar.
Xoşbəxtlikdən həmin vaxt restoran bağlı olduğundan o, sağ qalıb.

Xəbərdən istifadə edərkən istinad etmək vacibdir.