“Xeberle.com”-un elektron ünvanına  adının çəkilməsini istəməyən bir xanım tərəfindən  məktub daxil olub.  Həmin xanım məktubda ona edilən hücumdan söz açıb.  Yazdığına görə, fevralın 8-də axşam saat 19:00 radələrində Sumqayıt şəhərinin Nəriman Nərimanov küçəsində iki naməlum şəxs  ona tanış olmaq məqsədiylə yanaşıb: “Mən ali məktəbə hazırlaşıram. Müəllim yanından gəlirdim. İki nəfər tanımadığım şəxs bazarın yanında   tanış olmaq məqsədilə yaxınlaşdı və telefon nömrələrin kağızda mənə vermək istədilər. Mən isə götürmədim.”

Məktubda qeyd olunur ki, o nömrəni götürmədiyinə görə  şəxslərdən biri ona bıçaqla hücum etməyə cəhd edib: “ Biri bıçaqla üstümə gələrək məni öldürəcəyini dedi. Digəri də kənarda dayanıb israrla "öldür, vur" deyirdi. Xatırladığım qədəri ilə onlardan biri üzü tüklu, qara gödəkcə, qara şalvarlı, orta boylu idi. Digəri isə qəhvəyi gödəkcə, mavi cins şalvarlı, orta boylu idi. Hər ikisinin yaşı  23-25 arası olardı. İşıqfor yandı mən yolu qaça-qaça keçərək tez avtobusa mindim.”

Görünür Sumqayıtda hələ də əli bıçaqlı gənclər çoxdur.