Xeberle.com Fövqəladə Hallar Nazirliyinin saytına istinadən xəbər verir ki, Sumqayıt şəhərində 2 nəfər azyaşlı mənzildə köməksiz vəziyyətdə qalıb.

 Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunublar. Xilasedicilər hadisə yerində əməliyyat şəraitini qiymətləndirərkən məlum olub ki, giriş qapısının təsadüfən kilidlənməsi nəticəsində azyaşlılar bağlı qapı arxasında köməksiz vəziyyətdə qalıblar.

Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə beşmərtəbəli yaşayış binasının üçüncü mərtəbəsində yerləşən mənzilə 4-cü mərtəbədəki qonşu mənzilin eyvanından enməklə daxil olublar. Xilasedicilər mənzildə nəzarətsiz qalan uşaqları aidiyyəti üzrə təhvil veriblər.

Əməliyyat saat 19:30-da başa çatıb