Dunyatv.az xəbər verir ki, naməlum avtomobil iki az yaşlı uşaq atasının həyatına son qoyub. Piyadanın vurulması ilə nəticələnən dəhşətverici hadisə ötən gecə Bakı-Quba yolunda qeydə alınıb.

Xəstə uşağının yanına gedən ata mənzil başına çatmadan yol qəzasının qurbanı oldu.Ötən gecə piyadanın vurulması ilə nəticələnən ağır yol nəqliyyat hadisəsi, Baki Quba yolunun Sumqayıtdan keçən hissəsində baş verdi.

Naməlum atomobil Bakıdan Quba istiqamətində hərəkətdə olarkən, yolu keçmək istəyən Sumqayıt şəhər sakini 49 yaşlı Etibar Adıgözəlovu vurub.Zərbə o qədər güclü olub ki, yaralının beyni dağılıb və hadisə yerindəcə keçinib.Qəzanı törədən sürücü isə dərhal qəza yerindən qaçıb.

Meyid müayinə üçün Sumqayıt şəhər patoloji anotomiya mərkəzinə göndərilib.Qeyd edək ki, dünyasını dəyişən Etibar Adıgözəlov iki azyaşlı uşaq atası idi.

Hal hazırda hadisəni törədib qaçan şəxsin kimliyi aydınlaşdırılır. Faktla bağlı cinayət işi açılıb.