Kemerovoda "Qış albalısı” ticarət mərkəzindəki dəhşətli yanğında zərərçəkənlərin sayı 79-a qalxıb.
Bu barədə məlumatı RİA yayıb. Bildirilir ki, hazırda 12 nəfər xəstəxanadadır, 67 nəfər isə ambulator müalicəyə buraxılıb.
İndiyə qədər yananlardan cəmi 27 nəfərin şəxsiyyəti tanınıb, 14 nəfər isə dəfn edilib.
Qeyd edək ki, 25 martda baş verən yanğında 64 nəfərin öldüyü bildirilmişdi. Ölü sayının 78 olması ilə bağlı iddiaların ardından isə ötən gün istintaq qrupu araşdırmaya başlayıb.
Olayla bağlı 5 nəfər saxlanılıb, ticarət mərkəzinin icraçı direktoru barəsində isə 2 aylıq həbs qərarı çıxarılıb.
Yanğında 400 nəfərin ölməsi barədə ukraynalı blogerin yaydığı məlumat isə provokasiya adlandırılıb və məhkəmə onun barəsində qiyabi həbs qərarı çıxarıb.(Axar.az)

Xəbərdən istifadə edərkən istinad etmək vacibdir.