Bu gün Türk Dünyası Parlament Birliyi 31 Mart azərbaycanlıların soyqırımının 100 illiyi münasibətilə Türkiyənin paytaxtı Ankara şəhərində mətbuat konfransı təşkil edib.

Birliyin sədri Nail Çələbi erməni silahlı dəstələrininTürklərə qarşı etdikləri soyqırımı lənətləyərək şəhidlərə Allahdan rəhmət diləyib. Nail Çələbi bu günün bir tarix olduğunu ifadə edərək, erməni və bolşevik dəstələrinin son 200 ildir Azərbaycan türklərinə qarşı amansız qırğınlar törətdiyini söyləyib. Çələbi Erməni-bolşevik birlikləri və şəbəkələrinin 31 Martda başlayıb 3 gün ərzində başda Bakı olmaqla, onlarla Azərbaycan şəhəri və Qarabağın dağlıq hissəsində 50 min türkü vəhşicəsinə qətl etdiyini vurğulayıb: "Bu gün Şamaxı, Zəngəzur, Lənkəran, Quba qırğınlarının izlərini görmək mümkündür. Bu insanların günahı nə idi? Bu insanlar yalnız türk olduqları üçün öldürüldü, vəhşicəsinə qətlə yetirildi. Buna görə Anadolu, Azərbaycan, Qırğız, Özbək, Türkmən, Qazax türkləri bu ağrını heç vaxt unutmayacaq".

Erməni-daşnak zehniyyətinin son olaraq Xocalıda özünü göstərdiyini izah edən Çələbi, Qarabağdakı Azərbaycan torpaqlarının 20 faizinin hələ də erməni işğalı altında olduğunun unudulmamasını istədi: "Erməni-daşnak zehniyyəti bu gün də iş başındadır...

Dünya birliyini etdikləri soyqırımların, işğalların türklər tərəfindən həyata keçirildiyinə inandırmağa çalışırlar. Amma həqiqətlərin üstü əsla örtülməz. 31 martda Türk dünyasında simvol olan Azərbaycan türkləri soyqırım günündə ermənilər tərəfindən öldürülən on minlərlə türkə rəhəmət diləyirəm. Dünyanın heç bir yerində heç bir türkün ayağınadaş dəyməsin, işğal altında heç bir Türk yurdu qalmasın ...

Başda Türkiyəmiz olmaqla bütün Türk yurdlarında şanlı bayraqlarını əbədi olaraq dalğalansın". Nail Çələbi 1918-ci ildə Qafqazda Azərbaycan Türklərinin fəryadını eşidən Nuri Paşa əmrindəki Türk Qafqaz İslam Ordusu mənsublarını azərbaycanlıların əsla unutmadığını da vurğuladı: "31 mart 1919-cu ildə Azərbaycan Respublikası Parlamenti və 1998-ci ildə isə çıxarılan fərmanla böyük lider Heydər Əliyev ikinci dəfə bu günü Azərbaycanlıların Soyqırımı Günü elan etdi.