Ötən gün axşam saatlarında Bakının Qaradağ rayonu Lökbatan qəsəbəsində dəm qazından kütləvi zəhərlənərək xəstəxanaya yerləşdirilənlər artıq evə buraxılıb. Bu barədə Kliniki Tibbi Mərkəzin baş həkimi Tərlan Bəbirovun ANS PRESS-ə verdiyi məlumata görə, ötən gün dəm qazından zəhərlənənlərdən 43 nəfər xəstəxanaya yerləşdirilmişdi.

“Dəm qazından zəhərlənmdən 43 nəfər bizim xəstəxanaya yerləşdirilmişdi. Onalrdan 9 nəfəri kişi, 5 nəfəri isə uşaq, qalanı isə qadındı. Onlara tibbi yardım göstərildi. Xəstələrin həyatı üçün problem olmadığı üçün onlar ambulator müalicə üçün evə buraxılıb. Heç birinin həyatı üçün təhlükə olmayıb”, - deyə Tərlan Bəbirov vurğulayıb.

Qeyd edək ki. ötən gün Axşam saatlarında Qaradağ rayonunun Lökbatan qəsəbəsində kütləvi zəhərlənmə baş verib. Zəhərlənməyə səbəb iyli yanacaqdır. Sakinlərin sözlərinə görə, səhər saatlarında qəsəbəyə təbii qazın verilişi dayandırılıb. Qaz verilərkən isə onun kəskin qoxusu olub.
Hadisə nəticəsində Bakı şəhər Təcili və Təxirəsalinmaz Tibbi Yardım Stansiyasına 115 nəfər müraciət edib. Onlardan 20-si uşaq olub. Hadisə yerində 20 təcili yarıdm briqadası olub. Müraciət edənlərdən 70 nəfərə yerində yardım göstərilib. 43 nəfər xəstəxanaya yerləşdirilib. Onlardan 13 nəfəri uşaqdı.

Qeyd edək ki, həmin gün, eyni ünvanda Natalya Məmmədova dünyasını dəyişib. Lakin 45 yaşlı Natalya Məmmədovanın ölüm faktının zəhərlənmə ilə bağlı olduğu hələ öz təsdiqini tapmayıb.