Gəncə şəhərində yerli sakin söyüş üstündə bir nəfər tanışını güllələyib.

Xeberle.com APA -ya istinadən xəbər verir ki, hadisə ötən gecə saat 23:00 radələrində şəhərin I mikrorayonu ərazisində baş verib. 

Gəncə şəhər sakini, 1987-ci il təvəllüdlü Murad Nəbiyev 16 kalibrli ov tüfəngi ilə əvvəlcə havaya, sonra isə şəhər sakini, tanışı 1989-cu il təvəllüdlü Vüqar Qələndərovun ayaqlarına atəş açıb. V.Qələndərov hər iki budun dəlib keçən güllə yarası diaqnozu ilə Gəncə şəhər Təcili Tibbi Yardım Xəstəxanasına yerləşdirilib. 

Onun vəziyyətinin orta ağır olduğu bildirilir.

Gəncə şəhər Baş Polis İdarəsindən verilən məlumata görə, hadisəni törədən M.Nəbiyev saxlanılıb. O, ilkin ifadəsində V.Qələndərovun onun ailəsinə qarşı nalayiq sözlər işlətdiyinə görə, silaha əl atdığını bildirib.