Ukrayna parlamentində Pyotr Poroşenko Blokunun deputatı olan Mustafa Nayemə naməlum şəxslər tərəfindən hücum olub.
Virtualaz.org xəbər verir ki, hadisə aprelin 30-da baş verib. M.Nayem özünün Feysbuk səhifısində hadisə ilə bağlı yazıb ki, yolda xuliqanlıq edən şəxslərlə sözü çəp gəlib. Daha sonra 4-5 nəfər onu döyüb.
Hazırda deputat xəstəxanadadır. Onun sözlərinə görə, hücum siyasi fəaliyyəti ilə əlaqədar deyil.
Patrul polisinin başçısı Yuri Zozul faktı təqdisləyib və bildirib ki, 4 nəfər şübhəli tutulub. Mustafa Nayemon özünün dediyinə görə, onu döyən şəxs istintaqdan gizlənməyi bacarıb və Bakıya yola düşüb.
"Ən qəribə hadisələr dördüncü şəxslə bağlı baş verir. O, yoldaşlarının zəngindən sonra hadisə yerinə gələrək, mənə zərbələr endirib. Çox güman ki, dəstənin başçısı idi. Onu tutmağa söz vermişdilər, lakin məlum oldu ki, Borispoldan Bakıya uçub”, - Nayem sosial şəbəkədə yazıb.
Saxlanılan şübhəlilərin kimliyi barədə məlumat verilmir.
Bakıya qaçan şəxsin deputatı döymə anı yayılıb. Həmin görüntüləri təqdim edirik:

Xəbərdən istifadə edərkən istinad etmək vacibdir.