Bu gün günorta saatlarında Sumqayıt şəhərində yol qəzası baş verib.Qəza şəhərin Bərpa-Müalicə xəstəxanasının yaxınlığında qeydə alınıb.Belə ki 99 GX 708 dövlət nömrə nişanlı "Renault" markalı minik avtomobili yolun kənarında olan dirəyə çırpılıb. Zərbənin gücündən avtomobil deformasiyaya uğrayıb. Hadisə nəticəsində avtomobilin sürücüsü və bir sərnişin ciddi bədən xəsarətləri alaraq Sumqayıt Təcili Tibbi Yardım Xəstəxanasına yerləşdiriliblər. Sumqayıt Şəhər Dövlət Yol Polisi şöbəsindən  Xeberle.com -a verilən məlumata görə qəzaya yüksək sürət səbəb olub.Xəsarət alanların kimliyini müəyyən etmək üçün Sumqayıt Şəhər Təcili Tibbi yardım xəstəxanasına müraciət etdik.

Xəstəxanadan bildirdilər ki Sumqayıt şəhər sakinləri 1997- ci il təvəllüdlü Sadıqov İlkin Nail oğlu döş qəfəsi və çanaq əziyi diaqnozu ilə və 17 yaşlı Adgözəlov Dəyanət Cənnət oğlu başın çoxsaylı əzilmiş yarasıyla palataya yerləşdiriliblər.

Qeyd edək ki Sumqayıt Şəhər Polis idarəsinin dövlət yol polisi şöbəsində hadisə ilə bağlı araşdırma aparılır.

Turkan Heyderova  Xeberle.com