Ermənistanın ərazisinə qanunsuz girməyə cəhd edən altı əcnəbi Banqladeş vətəndaşıdır.
Xeberle.com virtualaz.org-a istinadən bildirir ki, bunu Ermənistan müdafiə nazirinin səlahiyyətlərinin müvəqqəti icraçısı Viqen Sarkisyan bu gün keçirdiyi mətbuat konfransında deyib.
"Sərhəd pozucuları Banqladeş vətəndaşlarıdır. Onlar Ermənistan Milli Təhlükəsizlik Xidmətinə veriliblər", - deyə Sarkisyan vurğulayıb.
O, başqa detallar barədə məlumat verməyib.
Azərbaycan Müdafiə Nazirliyi isə altı nəfər insanın Ermənistana keçidi haqda informasiyanı təsdiq etmir.
"Belə informasiya yoxdur", - deyə nazirlikdən qısaca bildiriblər.
Xəbərdən istifadə edərkən istinad etmək vacibdir.
