Ötən
gecə Sumqayıt şəhərində güclü yanğın hadisəsi baş verib.
Xeberle.com-un məlumatına görə, hadisə
şəhərin Hacı Zeynalabdin qəsəbəsində fəaliyyət göstərən balıqçılıq təsərrüfatlarının birində qeydə alınıb.
Yanğın yerinə Sumqayıt Yanğından Mühafizə
qarnizonundan 3 yanğın avtomobili və canlı qüvvə cəlb edilib. Yanğın nəticəsində "Qazel” markalı yük avtomobili və balıqçı qayığı yanıb.
Ərazidə 4 ədəd qayıq və bir ədəd traktor
yanğından mühafizə olunub.
Hadisə yerində
1988-ci il təvəllüdlü Əliyev Elçin Bəylər oğlu yuxarı ətrafların 1-3-cü dərəcəli
yanıq xəsarətləri alıb.
Xəsarət alan dərhal Bakı şəhərində yerləşən 5 nömrəli xəstəxananın
yanıq şöbəsinə yerləşdirilib.
Elnarə Salamova
Xeberle.com
Xəbərdən istifadə edərkən istinad etmək vacibdir.
