Musavat.com-un aldığı son məlumata görə, aksiyada saxlanılanlardan Tural Abbaslı, Şəfi Şəfiyev və Hacı Zeynallıya 15 sutka, Orxan Eyyubzadə və Kəmalə Bənənyarlıya isə 20 sutka həbs cəzası verilib.
Digərlərinin məhkəməsi hazırda davam edir.
*****
13:27
Dünən "Nida" vətəndaş hərəkatının üzvlərinə həbs cəzası kəsiləndən sonra baş vermiş etiraz aksiyasıyla bağlı saxlanılanlar Nəsimi rayon məhkəməsində hakim qarşısına çıxarılıblar.
Əməkdaşımızın verdiyi son məlumata görə, məhkəmə artıq bitib. İlkin məlumatlara görə, aksiyada saxlanılanların əksəriyyətinə müxtəlif müddətə sutkalıq həbs cəzası verilib və onları arxa qapıdan çıxarıb, aparıblar.
Toğrul Ibrahim 600 manat, Türkel Əlisoy və Orxan Rüstəmzadə 400 manat cərimə olunub. Məhkəmədən polis maşını ilə çıxarılıb, başqa yerə aparılarkən onlar əl işarəsi ilə hansı məbləğdə cərimə olunduqlarını bildiriblər.
Musavat.com
*****
12:46
Dünən "Nida" vətəndaş hərəkatının üzvlərinə həbs cəzası kəsiləndən sonra alınmış spontan etiraz aksiyasında saxlanılanlardan 14 nəfər artıq Nəsimi rayon məhkəməsinə gətirilib.
Əməkdaşımızın verdiyi məlumata görə, məhkəmənin qarşısı polislərlə və mülki geyimli təxribatçılarla doludur. Onlar açıq şəkildə məhkəmə önünə gələnləri küçə söyüşləri ilə təhqir edirlər. Obyektivtv-nin jurnalisti Hüseyn Əzizoğlu mülki geyimli şəxs tərəfindən döyülüb. Onun eynəyi sındırılıb, kamerası əlindən azılıb.
Məhkəmə önünə heç kəsi buraxmırlar. Təxribatçılar insanları həyasız bir şəkildə təxribata çəkirlər. Hazırda məhkəmə çıxarılacaq şəxslər polis maşınlarının içərisində gözləyirlər.
Musavat.com məhkəmə qarşısına çıxarılacaq şəxslərin siyahısını dəqiqləşdirib:
1. Tural Abbaslı
2. Şamil Beydulla
3. Orxan Eyyubzadə
4. Türkel Azərturk
5. Kəmalə Bənəniyarli
6. Toğrul İbrahim
7. Füzuli Ovçuyev
8. Nicat Məmmədbəyli
9. Şəfi Şəfiyev
10. Kamran Zeynalov
11. Rəhman Məmmədli
12. Turan Ibrahim
13. Orxan Rüstəmzadə
14. Rəsul Mürsəlov
15. Hüseyn Qarasulu
Əməkdaşımızın verdiyi məlumata görə, Kəmalə Bənənyarlı şəxsi avtomobildə idarəyə gətirilib. Məhkəməyə keçən valideynlər Başxanım Abbaslı və Rəhimə Məmmədova zaldan zorla çıxarılıb.
Əldə etdiyimiz məlumata görə, saxlanılanlardan Türkel Azərtürk 400 manat məbləğində cərimələnərək sərbəst buraxılıb.