Sumqayıt şəhərində piyadanın vurulması ilə nəticələnən yol-nəqliyyat hadisəsi baş verib.
Hacı Zeynalabdin qəsəbəsindəki marketlərin birində fəhlə işləyən 1999-cu il təvəllüdlü İsrafilov Eldəniz Mübariz oğlu həmin ərazidə yolu keçmək istəyən zaman naməlum avtomobil tərəfindən vurulub.
Yaralı xəstəxanaya çatdırılıb. Vəziyyətinin qənaətbəxş olduğu bildirilir. Sürücü hadisə yerindən uzaqlaşıb.
Faktla bağlı araşdırma aparılır.
(report.az)
Xəbərdən istifadə edərkən istinad etmək vacibdir.
