Fəaliyyəti dayandırılmış Azərbaycan Beynəlxalq Universiteti polislər tərəfindən əhatəyə alıb.
Axar.az xəbər verir ki, hazırda universitetin ətrafında onlarla polis var.
Məlumata görə, Bakı Metropoliteninin tikdiyi depo həmin ərazidə yerləşdiyi üçün bütün evlər söküləcək. Ərazidə yaşayan sakinlər bildirir ki, universitetin həyətinin bir hissəsi də plana düşən yerlərdəndir.
Sakinlərə sökülməsi nəzərdə tutulan evlərə görə kompensasiya ödənilib. Onların bir çoxu verilən kompensasiya ilə razılaşıb evlərdən çıxsa da, bəziləri məbləğlə razılaşmır. Buna görə də evlərindən çıxmayacaqlarını bildirirlər.
Sakinlər evlərinin qarşılığında onlara olduqca az kompensasiya verildiyini deyirlər.
Hazırda sözügedən əraziyə polislərin gəlməsinin səbəbi bu gün evlərin sökülməsi ilə bağlıdır. Ərazidəki polislər bildiriblər ki, evlərin söküntüsünə bu gün start verilir və onlar ehtimal edilən hər hansı qarşıdurmanın qarşısını almaq üçün göndəriliblər.
Xəbərdən istifadə edərkən istinad etmək vacibdir.
