Kürdəmir rayonunda polis əməkdaşları xidməti avtomobillə ağır qəzaya düşüb
Mayın 21-i axşam saatlarında Kürdəmir rayonunda ağır qəzaya düşən polislərin şəxsiyyəti məlum olub. Lent.az-ın məlumatına görə, Bakı-Qazax magistralını rayon mərkəzi ilə birləşdirən yolda, un dəyirmanının yaxınlığında Post-Patrul Xidmətinə məxsus olan "Fiat Dablo"nun aşaraq yanması nəticəsində sürücü, polis serjantı Ceyhun Səmədov və digər serjant İlqar Abdulxalıqov müxtəlif dərəcəli bədən xəsarətləri alıblar. Hadisə yerinin yaxınlığından keçənlər onları yanan avtomobilin içindən çıxararaq xilas ediblər. Bundan sonra isə post-patrul avtomobili tamamailə yanaraq kül olub.
Faktla bağlı araşdırmalar davam etdirilir.
*****
22 may 20:23
Bu gün Kürdəmir rayon ərazisində polis əməkdaşlarının olduğu xidməti avtomobil ağır qəzaya uğrayıb.
, Kürdəmir şəhəri yaxınlığında, Bakı –Qazax magistralını rayon mərkəzi ilə birləşdirən yolda yerli polis şöbəsinə mənsub “Fiat Dablo” markalı avtomobil qəzaya düşüb.
Sürücünün idarəetməsindən çıxan avtomobil yolun kənarında aşaraq, yanmağa başlayıb.
Qəza nəticəsində Rayon Polis Şöbəsinin İlqar və Ceyhun adlı iki əməkdaşı ağır xəsarət alıb. Onlar xəstəxanaya yerləşdirilib.
Post Patrul Xidmətinə məxsus avtomobil isə yanaraq, yararsız hala düşüb.
Faktla bağlı araşdırma aparılır.
Xəbərdən istifadə edərkən istinad etmək vacibdir.
