Hadisə Qobustan rayonunun “Bağbağat” İstirahət-əyləncə Mərkəzində qeydə alınıb. Belə ki, Bakı Oksford Məktəbinin müəllim və şagirdlərinin əyləndiyi atraksionlardan biri aşıb və nəticədə 10 yaşlı Qorcu Dəniz Tərlan qızı hadisə yerində dünyasını dəyişib.

AzVision.az-ın əldə etdiyi məlumata görə, Qorçu Dəniz Azərbaycanda ilk və yeganə özəl marionet teatrının təsisçisi, rejissoru Tərlan Qorçunun qızıdır.

Faktı Mədəniyyət və Turizm Nazirliyi də təsdiqləyib. Nazirlikdən bildiriblər ki, ölən məktəbli T.Qorçunun qızıdır.

Hadisə ilə bağlı Qobustan rayon Polis Şöbəsində araşdırma aparılır.