Sumqayıtda polisi aldatmaq istəyərək, törətdiyi qəzanın məsuliyyətindən xilas olmaq istəyən şəxs saxlanılıb. 

ANS PRESS-in Daxili İşlər Nazirliyinin mətbuat xidmətinə istinadən verdiyi məlumata görə, Sumqayıt şəhər Polis İdarəsi əməkdaşları tərəfindən mayın 22-də Tural Məmmədova məxsus “VAZ-21011” markalı avtomobilin qaçırılması barıdı məlumatları araşdırıb.

Araşdırmalar zamanı məlum olub ki, həmin avtomobil İnşaatçılar qəsəbəsinin ərazisində hərəkətdə olarkən Asim Həsənovun idarə etdiyi “Mitsubishi” markalı avtomobillə toqquşub. Bundan sonra həmin avtomobil hadisə yerində qalıb.

Aparılmış araşdırmalar zamanı T.Məmmədovun polisi aldatdığı məlum olub. Belə ki, o, qəza törətdikdən sonra, avtomobili həmin ərazidə atıb və qaçıb. Sonradan o, avtomobilinin qaçırılması barədə polisə yalan məlumat verib.

Faktla bağlı araşdırma aparılır.