Ermənilər yenə də mülki azərbaycanlı vətəndaşı yaralayıb. ANS PRESS-in məlumatına görə, düşmən bu dəfə Tovuzun Hacallı kəndini atəşə tutub.
Güclü atışma zamanı Hacallı kənd sakini 30 yaşlı Elnur Quliyev ağır yaralanıb. Vətəndaş qolundan güllə yarası alıb. Yaralı Tovuz Mərkəzi rayon Xəstəxanasına çatdırılib.
Qeyd edək ki, son günlər düşmən ordusu cəbhə xəttində fəallaşıb. Bir neçə gün öncə də Tovuzun Əlibəyli kəndində 3 dinc sakin düşmən gülləsinə tuş gələrək yaralanıb.
Onlardan ikisi qadın, biri isə 5 yaşlı qız uşağı olub
Xəbərdən istifadə edərkən istinad etmək vacibdir.
