Salyan rayonunun Yenikənd kənd sakini olan bir qadın avqustun 11-də Rayon Polis Şöbəsinə (RPŞ) ərizə ilə müraciət edərək üç gün əvvəl evindən 1600 manat dəyərində qızıl-zinət əşyalarının və 100 manat pulunun oğurlandığını bildirib.
DİN Mətbuat xidmətinin Şirvan şəhərində regional qrupundan verilən məlumata görə, Salyan RPŞ-nin əməkdaşlarının keçirdikləri əməliyyat-axtarış tədbirləri ilə oğurluğu törətməkdə şübhəli bilinən, əvvəllər məhkum olunmuş Salyan rayonu, Yenikənd kənd sakini, 40 yaşlı Ramil Hüseynov saxlanılıb.
Dindirilmə zamanı saxlanılan şəxs törətdiyi cinayət əməlini etiraf edib. Oğurladığı qızıl-zinət əşyaları satdığı mağazadan maddi sübut kimi götürülüb. Faktla bağlı Salyan RPŞ-nin İstintaq bölməsində araşdırma aparılır.
Xəbərdən istifadə edərkən istinad etmək vacibdir.
