Bu gün Bakı Ağır Cinayətlər Məhkəməsində arvadını öldürməkdə təqsirləndirilən Seynur Abbasovun cinayət işi üzrə məhkəmə iclası başa çatıb.

 

Xeberle.com-un report-a istinadən xəbərinə görə, hakim Eldar Mikayılovun sədrliyi ilə keçiriən prosesdə hökm oxunub.

Məhkəmənin hökmü ilə o, 13 il müddətinə azadlıqdan məhrum edilib.
Qeyd edək ki, hadisə bu il martın 22-də Xıradalan şəhərində baş verib. 29 yaşlı Türkanə Məmmədcanova evdə həyat yoldaşı, 40 yaşlı S.Abbasovla mübahisə edib. Qısqanclıq nəticəsində yaranan mübahisə zamanı S.Abbasov T.Məmmədcanovaya bir neçə bıçaq zərbəsi vurub.
Yaralı çoxlu qan itirərək hadisə yerində dünyasını dəyişib.
Həyat yoldaşını öldürən S.Abbasov bıçaqla özünə də xəsarət yetirib. O, polis nəzarətində xəstəxanaya çatdırılıb. Həkimlər yaralının həyati təhlükəsini aradan qaldırıblar.

O, Cinayət Məcəlləsinin 120.1-ci (qəsdən adam öldürmə) maddəsi ilə ittiham olunub.