"Maşın bazarı"ndakı yanğın FHN əməkdaşları tərəfindən söndürülüb.

 Hadisə nəticəsində xəsarət alan olmasa da satıcılara xeyli maddi ziyan dəyib.

*  *  * 13:04

 Bakının Nizami rayonu, Babək prospektində yerləşən "maşın bazarı"nda yanğın başlayıb.

 Bazarda çalışan satıcılardan birinin virtualaz.org saytının müxbirinə verdiyi məlumata görə, yanğın saat 12:40 radələrində başlayıb: "Yanğın maşın ehtiyat hissələrinin satıldığı konteynerlərdə başlayıb. Alov bir anda üç konteyneri bürüdü. Hər üç konteyner yanıb. Dərhal FHN-ə zəng vurduq. Yanğınsöndürənlər bir neçə dəqiqədən sonra çatıb yanğını söndürməyə başlayıb. Hazırda yanğınsöndürmə briqadası işləyir. Yanğın qısaqapanmadan olub".(virtualaz.org)