Xəzər rayonunun Buzovna qəsəbəsində və Sumqayıt şəhərinin Koroğlu prospektində ölümlə nəticələnən yol-nəqliyyat hadisəsi baş verib.
"Qafqazinfo" DİN-in saytına istinadən xəbər verir ki, qəzaların hər ikisi bu gün baş verib. Buzovna qəsəbəsi ərazisində Bakı şəhər sakini Yaqub Həsənov idarə etdiyi “Mercedes” markalı avtomobili yolun kənarındakı elektrik dirəyinə vurub. Nəticədə sərnişin Etibar Quliyev hadisə yerində ölüb. Xəzər RPİ tərəfindən araşdırmalar aparılır.
Digər bir hadisə isə Sumqayıt şəhərinin Koroğlu prospektində baş verib. Şəhər sakini Səməd Əliyev idarə etdiyi “Mercedes” markalı avtomobillə yolu keçən Seyfulla Mürsəlovu vurub. Nəticədə piyada hadisə yerində ölüb. Sumqayıt ŞPİ tərəfindən araşdırmalar aparılır.
Xəbərdən istifadə edərkən istinad etmək vacibdir.
