İşə tələsən jurnalist qəzaya düşdü. Milli.Az xəbər verir ki, bu gün Bakı-Sumqayıt yolunda qəza baş verib. 

"Mercedes" və 14 saylı xətt üzrə hərəkət edən avtobus Saray qəsəbəsinə gedən yolun üstündəki körpünün yanında toqquşub.

"Mercedes" markalı avtomobilin sürücüsü jurnalist Teymur Hacıyevdir. O, adıçəkilən məkanda işıqforda dayanıb yaşıl işığın yanmasını gözləyərkən arxadan 14 saylı avtobus onu vurub. 

Nəticədə avtomobilin arxa bamperi və həmin hissədəki metal konstruksiyası deformasiyaya uğrayıb. Maşının arxa işıq fənərləri də sınıb. 

Faktla bağlı araşdırma aparılır.