Beynəlxalq Qırmızı Xaç Komitəsinin Azərbaycan nümayəndəliyinin əməkdaşları ermənilər tərəfindən girov götürülmüş azərbaycanlı məktəbli ilə görüşüblər.

BQXK-nin Azərbaycan nümayəndəliyinin ictimaiyyətlə əlaqələr şöbəsinin rəhbəri İlahə Hüseynovanın ANS PRESS-ə verdiyi məlumata görə, BQXK əməkdaşları Azərbaycan və Ermənistan qoşunlarının təmas xəttində girov götürülən Azərbaycan vətəndaşı Cavid Məmmədova baş çəkiblər.

Başçəkmədən sonra məktəblinin ailəsinə məlumat çatdırılıb.

15 yaşlı Cavid II qrup əlildir və eyni zamanda Tərtər rayon 2 saylı orta məktəbin şagirdidir.

Azərbaycan vətəndaşı Cavid Məmmədov 5 sentyabrda Tərtər rayonunun Aşağı Çaylı istiqamətində erməni əsgərləri tərəfindən girov götürülüb.

Qeyd edək ki, Erməni əsgərləri dəfələrlə cəbhə xəttinə yaxın kəndlərdə məktəbli uşaqları atəşə tutub. 2011-ci ilin martın 8-də Ermənistan Silahlı Qüvvələrinin snayperi tərəfindən 8 yaşlı Fariz Bədəlov həyətlərində oynayarkən qətlə yetirlimişdi. Ötən ay isə emənilər 2 məktəbiyə atəş açmışdılar. Nəticədə onlar xəstənaya yerləşdirilmişdi.