Xırdalanda 4 mərtəbəli bina uçub. 

“Qafqazinfo” nun hadisə yerində olan əməkdaşının verdiyi məlumata görə, uçqun nəticəsində dörd mərtəbəli binanın üçüncü mərtəbəsi birinci və ikinci mərtəblərin üzərinə aşıb. Nəticədə  7-yə yaxın insan yaralanıb. Beş nəfərə  yaxın adamın isə hələ də uçqun altında qaldığı deyilir.

***

Binanın altında qalanlardan birinin qadın olduğu deyilir.

***

Qeyd edək bina yarımtikili adlanır. Həmin ərazidə qaçqınlar yaşayır. Hazırda Abşeron rayon icra hakimiyyətinin başçısı Zakir Fərəcov da hadisə yerindədir. Fövqəladə Hallar Nazirliyinin əməkdaşları uçqun altında qalan digər şəxslərin çıxarılmasına çalışırlar.

***

İlkin ehtimallara görə bina qaz sızması nəticəsində uçub