Bu gün səhər saatlarında Sumqayıt şəhərində ölümlə nəticələnən yol-nəqliyyat hadisəsi baş verib.
Xeberle.com-un məlumatına görə, hadisə şəhərin Heydər Əliyev prospektində "Növbətçi" (Dejurnıy) mağazanın yaxınlığında qeydə alınıb. Belə ki, Sumqayıt Təmizlik Departamentinin dalandarı 1964-cü il təvəllüdlü Bayramova Xeyransa Seyran qızını piyada zolağından keçmək istəyərkən "VAZ 2104" markalı avtomobil vurub.
Ağır bədən xəsarətləri alan X. Bayramova hadisə yerindəcə keçinib. Onun meyiti aidiyyatı üzrə təhvil verilib.
Faktla bağlı araşdırma aparılır.
Xədicə Səxavətqızı,
Xeberle.com
Xəbərdən istifadə edərkən istinad etmək vacibdir.
