Sumqayıtda axşam saatlarında özünü yandıran şəxslə bağlı bəzi təfərrüatlar məlum olub.
Xəbər verdiyimiz kimi, aprelin 2-də 1961-ci il təvəllüdlü Dadaşov Kamil İmaməddin oğlu üzərinə benzin tökərək özünü yandırıb.
O, bu addımı yaşadığı evin mətbəxində ailə üzvlərinin gözü qarşısında atıb.
Ailə üzvləri dərhal müdaxilə edərək odu söndürüblər.
K. Dadaşovun özünü yandıran zaman içkili vəziyyətdə olduğu bildirilir və o, içki aludəçisidir.
Yaralı Sumqayıt şəhər Təcili Tibbi Yardım Xəstəxanasına çatdırılıb. K.Dadaşovun bədəninin 70 faizi yanıb, həyatla ölüm-dirim mübarizəsi aparır. Vəziyyəti ağırlaşdığından yaralı Bakıya göndərilib, sağ qalmaq ehtimalı azdır.
Faktla bağlı araşdırma aparılır.
Xəbərdən istifadə edərkən istinad etmək vacibdir.