"Azərikimya” İstehsalat Birliyinin Etilen-polietilen zavodunun Sumqayıtın Hacı Zeynalabdin Tağıyev qəsəbəsi ərazisindəki 30 saylı Neft-kimya məhsullarının qəbulu və buraxılması sahəsindəki birbaşaqovulmuş benzin çənində tüstülənmə baş verib. Gecə saat 03:25 radələrində baş verən hadisə zamanı sexin müvafiq xidmətləri təlimata uyğun olaraq qabaqlayıcı tədbirlər görüb. Zavodun direktoru Oqtay Niftəliyev deyib ki, bura strateji obyektdir və ciddi nəzarət altındadır. Burada 15 min kub metrlik benzin çənləri var. Ona görə də istənilən hadisə baş verəndə reaksiya güclü olur. Yanğından Mühafizə xidmətinin əraziyə çağırılmış güvvələri tərəfindən də müvafiq tədbirlər görülüb, saat 04:30-da yanğın təhlükəsi olmadığına görə əməliyyatlar dayandırılıb. Hadisə nəticəsində xəsarət alan olmayıb, hadisənin başvermə səbəbləri araşdırılır.

]