Sumqayıt Apelyasiya Məhkəməsində narkotik vasitələri saxlamaqda ittiham olunan Bakı şəhər sakini Firudin Feyzullayevin cinayət işi üzrə məhkəmə başa çatıb. "OLAYLAR”ın məlumatına görə, Quba rayon Məhkəməsinin hökmü ilə Firudin Feyzullayev 2 il müddətinə azadlıqdan məhrum edilib. Hökmdən narazı qalan Firudin Feyzullayev apelyasiya şikayəti verib. O, cəzasının yüngülləşdirilməsini tələb edib. Hakim Mübariz Zeynalovun sədrliyi ilə keçirilən prosesdə təqsirləndirilən şəxsin apelyasiya şikayəti üzrə qərar elan edilib. Qərara görə, Firudin Feyzullayevin cəzası 1 ilə endirilib. İttihama görə, Firudin Feyzullayev istintaqa məlum olmayan mənbədən satış məqsədi olmadan 0,583 qram çəkidə narkotik vasitə olan heroini əldə edib. O, həmin narkotik vasitəni özündə saxlayıb. 10 aprel 2014-cü il tarixdə saat 21 radələrində həmin narkotik vasitə Quba rayon Polis Şöbəsinin əməkdaşları tərəfindən ondan həmin narkotik vasitə aşkar edilib.