Sumqayıt şəhərində avtobus sürücüsü qadının ayağının kəsilməsinə baiskar olub. Hadisə belə olub: 7 noyabr tarixində Hacı Zeynalabdin Tağıyev qəsəbəsinin Xətai küçəsində yaşlı bir qadın 30 saylı avtobusdan düşərkən təkərin altında qalıb. Xəsarət alan qadın - Aslanova Roza Yaxşıxan qızı Sumqayıt şəhər 1 saylı Təcili Tibbi Yardım Xəstəxanasına çatdırılıb. Müayinə və yardımdan sonra qadının ayağı amputasiya edilib.

Xeberle.com-un reportyoru təsadüf nəticəsində hadisənin şahidi olub. Reportyorumuz Xezer bağları ərazisinə çatanda 30 saylı avtobusun dispetçeri YPX əməkdaşlarına pul verirmiş. Əməkdaşımız nə baş verdiyini soruşanda ətraflı cavab ala bilməyib.

Ardınca əməkdaşımız qadının müalicə aldığı xəstəxanaya yollanıb. Zərərçəkən Aslanova Roza Yaxşıxan qızı portalımızın reportyoruna 30 saylı avtobusun sürücüsü Habildən şikayət edib. Qadın bildirib ki, Xəzər bağları ərazisində avtobusdan düşəndə sürücü onun düşməyini gözləməyib və avtobusu sürüb. O yerə yıxılıb və avtobusun arxa təkərinin altında qalıb.

Aldığımız məlumata görə, 30 saylə marşrut xətti üzrə hərəkət edən avtobus sürücülərinin əksəriyyəti sərnişinlərlə kobud rəftar edir. Sərnişinlərin avtobusdan rahat düşməyinə imkan vermir, tez sürürlər. Mənbəmiz söyləyib ki,yoxlanılsa, bəlkə də əksəriyyətinin sürücülük vəsiqəsi belə yoxdur.

Kamran Kazımzadə

Xeberle.com