"Mən Zöhrab Şıxəliyevin silah-sursat saxlaya biləcəyini yəqin etmirəm".
Bunu Avropa.info-ya açıqlamasında "Əbu Bəkr" məscidinin imamı Qamət Süleymanov, dünən Sumqayıtın Corat qəsəbəsində saxlanılan 1978-ci il təvəllüdlü Zöhrab Şıxəliyevin tutulması haqqında danışarkən deyib.
"Bu xəbər bizi çox təəccübləndirdi. Bildiyimiz kimi, Zöhrab Sumqayıtda radikallara qarşı olan bir şəxs idi, o hər zaman elələrinə qarşı kəskin mövqe sərgiləyirdi. Zöhrab Sumqayıtda məscid olmadığına görə, öz evini məscid etmişdi. Mən Zöhrabın silah-sursat saxalaya biləcəyini yəqin etmirəm.
Qeyd edək ki, Daxili İşlər Nazirliyinin dünən yaydığı açıqlamasında Sumqayıt şəhər sakini, 1978-ci il təvəllüdlü Zöhrab Şıxəliyevin saxlanıldığı və axtarış nəticəsində evindən silah-sursat çıxdığı bildirilib.
Xəbərdən istifadə edərkən istinad etmək vacibdir.
