Tehranda qəzaya uğrayan Ukraynaya məxsus "Boeing-737”nin göyərtəsində İran və Kanada vətəndaşlarının sayının çox olmasının səbəbi Avropaya biletlərin ucuzluğu ilə izah edilir: Reysdəki sərnişinlərin əksəriyyəti Kiyevdən digər Avropa ölkələrinə uçurmuş.
Bu barədə "Vesti” xəbər yayıb.
Beynəlxalq Ukrayna Hava Yollarının rəhbəri Yevqeni Dehne də Tehran-Kiyev aviareysinin demək olar ki, bütün sərnişinlərinin tranzit olduğunu təsdiqləyib.
Ölən sərnişinlər arasında iki Ukrayna vətəndaşı olub. Doqquz nəfərlik heyət də ukraynalı idi. Qəzaya uğrayan təyyarənin göyərtəsində azərbaycanlılar olmayıb.
Sərnişinlər arasında, həmçinin, 82 nəfər İran, 63 nəfər Kanada, 10 nəfər İsveç, dörd Əfqanıstan, üç Almaniya və üç Böyük Britaniya vətəndaşı olub.
Xəbərdən istifadə edərkən istinad etmək vacibdir.
