Sumqayıt şəhəri ərazisində təcili tibbi yardım avtomobilinin qəzaya uğraması nəticəsində zədə alan 7 nəfər evə buraxılıb.
Bu barədə Tibbi Ərazi Bölmələrini İdarəıetmə Birliyi (TƏBİB) məlumat yayıb.
Məlumatda bildirilir ki, Sumqayıt şəhər Təcili və Təxirəsalınmaz Tibbi Yardım Stansiyasının avtomobili çağırışa gedərkən Hacı Zeynalabdin qəsəbəsində minik avtomobili ilə toqquşub. Hadisə yerinə gələn digər təcili yardım avtomobili də vurulub və nəticədə əraziyə 3-cü briqada cəlb edilib.
Hadisə nəticəsində təcili tibbi yardım briqadasının 7 əməkdaşı zədə alıb.
Xəbərdən istifadə edərkən istinad etmək vacibdir.
