Sumqayıtın "Stansiya Sumqayıt” adlanan ərazisində yol qəzası baş verib.
Xeberle.com-un məlumatına görə, 1987-ci il təvəllüdlü Əbilov Səxavət
Məhyəddin oğlunun idarə etdiyi "KamAZ” markalı yük maşını yoldan çıxaraq
Samur-Abşeron kanalına aşıb.
Sürücü Qubadlı Rayon Polis Şöbəsinin "Stansiya Sumqayıt" yaşayış massivində yerləşən polis məntəqəsinin əməkdaşları tərəfindən yük maşınından çıxarılıb. 33 yaşlı sürücü baş verən hadisənin həyəcanından özünü körpüdən atmağa cəhd etsə də, polis əməkdaşları onun bu istəyinin qarşısını alıb.
Sürücünün içkili olduğu və yük maşınını
icarə əsasında idarə etdiyi bildirilir. Nəqliyyat vasitəsinə ciddi ziyan
dəyib.
Faktla bağlı araşdırma aparılır.
Xəbərdən istifadə edərkən istinad etmək vacibdir.
