Ermənistan silahlı qüvvələri 2020-ci ilin səkkiz ayı ərzində atəşkəs rejimini 7135 dəfə pozub.
Müdafiə Nazirliyinin təsdiq etdiyi məlumatlar əsasında aparılan monitorinqin nəticələrinə görə, erməni silahlı bölmələri cəbhənin
müxtəlif istiqamətlərində snayper tüfənglərindən və iriçaplı
pulemyotlardan da istifadə etməklə yanvarda 700, fevralda 664, martda
665, apreldə 725, mayda 754, iyunda 792, iyulda 1768, avqustda isə 1067
dəfə Azərbaycan Ordusunun mövqelərini atəşə tutublar.
Səkkiz ay ərzində Ermənistan Respublikası Noyemberyan rayonu
ərazisindəki adsız yüksəkliklərdə, İcevan rayonunun Ayqeovit kəndində və
adsız yüksəkliklərdə yerləşən mövqelərdən Qazax
rayonunun Quşçu Ayrım, Bala Cəfərli kəndlərində və adsız
yüksəkliklərdə, Berd rayonunun Çinari kəndində və adsız yüksəkliklərdə
yerləşən mövqelərdən Tovuz rayonunun Ağbulaq, Qaralar kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdə yerləşən mövqelərimiz atəşə tutulub.
Tərtər rayonunun işğal altında olan Çiləbürt, Ağdam rayonunun Nəmirli, Tağıbəyli, Şıxlar, Baş Qərvənd, Qaraqaşlı, Şirvanlı, Novruzlu, Yusifcanlı, Mərzili, Xocavənd rayonunun Kuropatkino, Füzuli rayonunun Aşağı Veysəlli, Qobu Dilağarda, Qərvənd, Qaraxanbəyli, Qorqan, Kürdlər, Cəbrayıl rayonunun Nüzgar və Mehdili kəndləri yaxınlığında, həmçinin Goranboy, Tərtər, Ağdam, Xocavənd və Füzuli rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə məruz qalıb.
Düşmən cavab atəşi ilə susdurulub, əməliyyat şəraiti bölmələrimizin tam nəzarəti altındadır.(azvision.az)
Xəbərdən istifadə edərkən istinad etmək vacibdir.
